Lotte Reiniger (Berlín, 1899 – Dettenhausen, 1981) pasou á historia do cinema por ser a artífice da primeira longametraxe de animación de todos os tempos, moito antes de que Walt Disney comezara a súa andaina en Hollywood. Este filme foi Die Abenteuer des Prinzen Achmed(As aventuras do príncipe Ahmed, 1926), estreado o 2 de xullo de 1926 en París. O filme empregaba a técnica de animación con siluetas, utilizando miles de recortes de papel. Reiniger foi unha expera nesta práctica que xa utilizara en curtametraxes de animación anteriores a este filme. A súa produción foi moi extensa, manténdose en activo ata a década dos setenta. Porén, a súa relevancia non chegou a gozar da visibilidade doutros referentes da animación. Dende fai anos o seu traballo veuse reivindicado dende o propio sector, outorgándolle o recoñecemento que merece. Mesmo a día de hoxe, o seu cinema segue inspirando a animadores e artistas contemporáneos de todo o mundo.