RADAR GALICIA
Galicia ten un potencial prometedor, cunha comunidade crecente de profesionais talentosos e creativos que contribúen ao crecemento e recoñecemento da industria animada na rexión
Bloque dedicado á creación local galega máis recente, cunha selección de curtametraxes realizadas entre 2023 e 2024.
Curtametraxes candidatas a gañar o Premio Radar á mellor curtametraxe galega por votación do público. Trofeo + 500€
>> Sábado 9 de marzo | 10:15h
ILLA CORDURA
Mario Fernández Filloy | 11 min | ESPAÑA | 2023 | +12
O fareiro da Illa Cordura queda só cando o seu compañeiro marcha a terra firme. Nunha noite de tormenta topa unha carta. A historia que esta relata e o medo á noite en soidade levarano aos límites da loucura.
AVETIMOLOGÍA
Xosé Zapata | 9 min | ESPAÑA | 2024 | +12
Avetimología é unha curtametraxe de animación que combina as técnicas de stop-motion e 2D, foi encargado por Acción Cultural Española (AC/E) á produtora de animación Sygnatia no marco do Programa cultural da Presidencia española do Consello da Unión Europea 2023, conta a historia de Europa e España a través de distintas especies de paxaros que nos acompañan nunha viaxe pola historia, a arte e a natureza.
IN HALF [A MEDIAS]
Jorge Moiras | 24 min | ESPAÑA | 2023 | +12
A través da imaxinación dun neno conta a viaxe dun home que, tras caer presa dos seus temores, debe atravesar un mundo estraño, un universo cheo de maxia, onde se lle presentarán os seus medos e conflitos do pasado e onde deberá atopar solucións ao seu destino co fin de descubrir a súa propia identidade.
ALGUÉN ME CHAMOU SERPE NEGRA
Borja Santomé | 10 min | ESPAÑA | 2023 | +12
A película móstranos a procura dunha serie de personaxes, apenas esbozados, que emprenden unha viaxe física e mental desde a cidade, ruidosa e desordenada, ata alcanzar a costa e os seus novos misterios nunha sucesión de escenas que nos remiten ao descubrimento e a sede de aventuras.
MARCAPÁXINAS [MARCAPÁGINAS]
Miguel Flores Da Costa | 2 min | ESPAÑA | 2023 | +12
A peza pretende ser un xogo arredor da idea da lectura, sendo unha exploración desde a linguaxe audiovisual. Fíxase no marcapáxinas como un elemento que nos acompaña a través do libro e avanza con nós nas páxinas. A idea da peza é que o marcapáxinas sexa (por unha vez) o protagonista da historia, cobrando vida propia, interferindo no relato como lle apetece e obrigándonos a mirar como se move el, non sendo nós (por unha vez) os que decidimos a súa historia.
TO BIRD OR NOT TO BIRD
Martín Romero | 9 min | ESPAÑA | 2023 | +12
To bird or not to bird, esa é a cuestión. Unha mirada crítica e calidoscópica do mundo actual contado a través das traxicómicas e esperpénticas vivencias duns paxaros.
CATS [Gatos]
José Garnelo | 9 min | ESPAÑA | 2023 | +12
Baixo un fermoso ceo estrelado un neno -Ori- sostén un gato baixo cada brazo mentres observa algo que se acha ante el. Ori é un neno apocado, de aspecto tenro e tímido. O seu carácter tranquilo e a súa aversión ao conflito lévanlle moitas veces a manterse ao marxe, gardándose a súa postura e opinións.
ALGUÉN ME CHAMOU SERPE NEGRA
MICHAELA PAVLÁTOVÁ | 7 min | República Checa | 2012 | +16
Texto
