Nacido en 1987 en Francia, Boris Labbé é un cineasta e artista recoñecido pola hibridación de técnicas dixitais e tradicionais da animación. A súa obra pon en cuestión a representación, cunha narración aberta á interpretación do espectador, utilizando repeticións, collages, metamorfoses e movementos perpetuos, con frecuentes citas á historia da arte, a literatura e a filosofía.

Estudou Arte Contemporánea e Animación en Francia e realizou varias residencias artísticas en lugares como a Casa Velázquez en Madrid e a Cinémathèque Québécoise en Montreal. As súas obras foron exhibidas en festivais internacionais como Cannes, Annecy e Clermont-Ferrand, e recibiu máis 50 premios e distincións, como o Gran Premio no Festival de Animación de Taichung e no Festival Animafest Zagreb. Desde 2014 colabora con Sacrebleu Productions e está representado por re.riddle (San Francisco) e Miyu (París). En 2020 colaborou co coreógrafo Angelin Preljocaj na escenografía de Swan Lake. A súa curtametraxe The Fall, aclamada internacionalmente, foi seleccionada na 57ª Semaine de la Critique do Festival de Cannes e galardoada co FIPRESCI no Festival de Annecy.

Na actualidade a súa obra segue a expandir os límites do cine tradicional, incorporando instalacións audiovisuais e concertos.